A Peteleira de José de Ourovello

O pasado venres 22 de Outubro fomos até Ourovello (Paderne) aprender e falar con José, para que nos contase como lembraba el o que facían con todo o relacionado coa castaña e co seu aproveitamento.

Ensinounos a facer un par de modelos de colledoiras ou escolledoiras

Falamos das enfermidades dos castiñeiros, como a tinta, a enfermidade que causou estragos na poboación de castiñeiros da península (da que xa falamos con Secundino). Daquela apareceran os híbridos, entre o castiñeiro crenata (asiático, resistente á tinta) e o sativa (europeo). Así que aprendemos a distinguir entre os castiñeiros híbridos e os do país. Tamén sobre tipos de enxertos e variedades.

Podes ver as diferencias entre a Laruda e a Parede neste vídeo:

Contounos o que lembraba que facían na súa casa nos tempos da peteleira (como lle chamaban no Ourovello á curripa), e a súa experiencia no proceso de apañar a castaña e conservala, saber escollela, usala e comela,

Moitas grazas a José de Ourovello por informarnos e facernos ver na práctica moitos dos detalles da castaña e o seu proceso.